1870–1918-YILLARDA ANGLIYADA IJTIMOIY O‘ZGARISHLAR, SIYOSIY JARAYONLAR VA TA’LIM TIZIMI MODERNIZATSIYASI

Annotatsiya

Ushbu maqolada 1870–1918-yillarda Angliyada ijtimoiy o‘zgarishlar, siyosiy jarayonlar va ta’lim tizimi modernizatsiyasi yoritilgan. Tadqiqotda sanoatlashuv va urbanizatsiya jarayonlari natijasida yuzaga kelgan yangi ijtimoiy tuzilma, ishchilar sinfining shakllanishi hamda kasaba uyushmalarining faollashuvi tahlil qilingan. Shuningdek, siyosiy hayotda parlament demokratiyasining rivojlanishi, konservator va liberallar o‘rtasidagi kurash, ayollar huquqlari uchun harakat hamda Emmeline Pankhurst boshchiligidagi sufragetkalar faoliyati alohida ko‘rib chiqilgan. Ta’lim tizimining modernizatsiyasi va savodxonlik darajasining oshishi tahlil etilgan. Umuman olganda, ushbu davr Angliyada ijtimoiy, siyosiy va ta’limiy islohotlar orqali modern jamiyat shakllanishida muhim bosqich bo‘lgan.