MADANIYAT, SIVILIZATSIYA VA INSON TARAQQIYOTI FALSAFASI

Abstrak

Ushbu maqolada madaniyat va sivilizatsiya tushunchalarining falsafiy mohiyati, ularning tarixiy taraqqiyot jarayonidagi o‘zaro aloqadorligi hamda inson taraqqiyotiga ta’siri tahlil qilingan. Madaniyat insonning ma’naviy-axloqiy shakllanishi va ijtimoiy tajribasining yig‘indisi sifatida, sivilizatsiya esa jamiyatning texnik, iqtisodiy va institutsional rivojlanish darajasi sifatida talqin etilgan. Tadqiqotda ushbu ikki kategoriya o‘rtasidagi dialektik bog‘liqlik, ularning zamonaviy global jarayonlardagi o‘rni hamda inson kapitali rivojlanishiga qo‘shgan hissasi yoritib berilgan. Shuningdek, inson taraqqiyoti falsafasida madaniyat va sivilizatsiyaning uyg‘unligi jamiyat barqarorligi va progressning asosiy omili sifatida asoslab berilgan.