BOLANING RIVOJLANISHIDA IJTIMOIY MUHIT TA’SIRI

Abstrak

Mazkur maqolada maktabgacha yoshdagi bolalarning shaxs sifatida shakllanishida ijtimoiy muhitning o‘rni va ijtimoiylashuv jarayonining o‘ziga xos xususiyatlari tahlil qilingan. Tadqiqotda ijtimoiylashuv – insonning butun hayoti davomida kechadigan ko‘p qirrali jarayon ekanligi, ayniqsa, bolalik davrida ijtimoiy-axloqiy me’yorlarni o‘zlashtirish nihoyatda jadallik bilan kechishi ilmiy asoslab berilgan. Maqolada bolaning ijtimoiy rivojlanishidagi asosiy muhitlar — oila, maktabgacha ta’lim tashkiloti, maktab va mahalla tizimining o‘zaro bog‘liqligi hamda ularning tarbiyaviy ahamiyati yoritilgan. Shuningdek, O‘zbekiston Respublikasining maktabgacha ta’lim sohasidagi me’yoriy-huquqiy hujjatlari, jumladan, “Ilk qadam” davlat dasturi va bolalarning ijtimoiy kompetensiyalarini rivojlantirishga oid davlat talablarining ijrosi masalalariga e’tibor qaratilgan.