O‘ZBEKISTONDA YASHIL BANK XIZMATLARI KO‘LAMINI KENGAYTIRISH YO‘LLARI

Abstrak

Barqaror rivojlanishga hissa qo‘shish va uzoq yillardan buyon davom etayotgan iqlim muammosiga ijobiy yechimlarni berishga bank tizimi yaqin yillar ichida alohida e’tibor qaratib kelmoqda. Atrof-muhit omillarini bank boshqaruvi va operatsiyalariga integratsiyalashni o‘z ichiga olgan yashil bank ishi esa ko‘plab tadqiqotlarga sabab bo‘lib kelmoqda. Bank sektori odatda tabiatga zarar yetkazmaydigan sanoat sifatida qaraladi, lekin ular atrof-muhitni ifloslantiruvchi uglerod iziga bevosita yoki bilvosita ta’sir qiladi. Ya’ni, banklar korxonalar, yuridik va  jismoniy shaxslar uchun kredit va moliyalashtirishning asosiy manbayi hisoblanadi. Shuning uchun ham banklar iqlim o‘zgarishining salbiy ta’sirlarini yumshatishda va BMTning Barqaror rivojlanish maqsadiga erishishga sezilarli hissa qo‘shadigan loyihalarni ilgari surish orqali muhim ahamiyat kasb etadi.