MILLIY IQTISODIYOTDA SOLIQ TIZIMINI TAKOMILLASHTIRISH ORQALI IQTISODIY FAOLLIKNI OSHIRISH

Аннотация

Ushbu ilmiy tezisda milliy iqtisodiyotning raqobatbardoshligini oshirish va iqtisodiy o‘sishni rag‘batlantirishda soliq tizimini modernizatsiya qilish masalalari tadqiq etiladi. Tadqiqotning dolzarbligi shundaki, soliq yuki va ma’muriyatchiligining optimallashuvi tadbirkorlik subyektlarining investitsion faolligini oshirishga bevosita xizmat qiladi. O‘zbekiston Respublikasida so‘nggi yillarda amalga oshirilgan soliq islohotlari, xususan, qo‘shilgan qiymat solig‘i stavkasining pasaytirilishi, soliq turlarining optimallashtirilishi va raqamli soliq ma’muriyatchiligining joriy etilishi tahlil qilingan. Shuningdek, "yashirin iqtisodiyot" ulushini kamaytirishda rag‘batlantiruvchi soliq mexanizmlarining samaradorligi ilmiy jihatdan asoslab berilgan. Tadqiqot davomida soliq siyosatining nafaqat fiskal vazifasi, balki iqtisodiy faollikni drayveri sifatidagi tartibga solish funksiyasiga alohida urg‘u beriladi. Xalqaro tajriba va mahalliy statistik ma’lumotlar asosida soliq tizimidagi mavjud muammolar aniqlanib, ularni bartaraf etish bo‘yicha amaliy takliflar ishlab chiqilgan. Xususan, kichik va o‘rta biznes uchun soliq yukini tabaqalashtirish, eksportga yo‘naltirilgan korxonalarni qo‘llab-quvvatlash va soliq imtiyozlarining samaradorligini baholash tizimini takomillashtirish masalalari yoritilgan. Tezis yakunida soliq tizimini yanada soddalashtirish orqali mamlakatning investitsiyaviy jozibadorligini oshirish va barqaror iqtisodiy taraqqiyotga erishish bo‘yicha xulosalar berilgan. Mazkur ish iqtisodiyot sohasi mutaxassislari, davlat soliq xizmati xodimlari va ilmiy tadqiqotchilar uchun mo‘ljallangan bo‘lib, u iqtisodiy siyosatning strategik yo‘nalishlarini belgilashda muhim ahamiyat kasb etadi.