O‘ZBEK MAROSIM FOLKLORI

Abstract

Mazkur maqolada o‘zbek marosim folklorining mazmun-mohiyati, jamiyat hayotidagi o‘rni va tarbiyaviy ahamiyati yoritilgan. Marosimlarning xalqning ma’naviy qadriyatlari, urf-odatlari va an’analarini saqlash hamda avloddan-avlodga yetkazishdagi vazifalari tahlil qilingan. Shuningdek, oilaviy, mavsumiy va umumxalq marosimlarining turlari, ularning o‘ziga xos xususiyatlari hamda marosim folklorining verbal tarkibi hisoblangan qo‘shiq, aytim, afsun va duolarning ahamiyati ko‘rsatib berilgan. Maqolada marosim folklorini yig‘ish, nashr etish va ilmiy o‘rganish tarixiga ham to‘xtalib o‘tilgan hamda o‘zbek folklorshunos olimlarining ushbu soha rivojiga qo‘shgan hissasi yoritilgan. Bugungi globallashuv sharoitida milliy folklor merosini asrash, raqamlashtirish va kelajak avlodga yetkazish masalalarining dolzarbligi asoslab berilgan.