ҲУҚУҚБУЗАРЛИКЛАР ПРОФИЛАКТИКАСИНИ ТАШКИЛИЙ-ҲУҚУҚИЙ ТАЪМИНЛАШ БЎЙИЧА ЕВРОПА ДАВЛАТЛАРИ ТАЖРИБАСИ

Abstract

Мазкур мақолада ҳуқуқбузарликлар профилактикасини ташкилий-ҳуқуқий таъминлаш бўйича Европа давлатлари Германия, Франция ва Нидерландия тажрибаси илмий таҳлил қилинган. Муаллиф ҳар бир мамлакатда профилактика фаолиятининг ҳуқуқий асослари, давлат ва жамият институтлари ўртасидаги ҳамкорлик механизмлари ҳамда амалий татбиқ этиш усулларини қиёсий жиҳатдан ўрганган. Германия Федератив Республикаси мисолида жиноятчиликнинг олдини олишда федерал, ер ва маҳаллий даражалардаги бошқарув тизими, фуқаролик жамияти институтларининг фаол иштироки ва ижтимоий-психологик ёндашувнинг устуворлиги кўрсатиб берилган. Франция Республикасида эса маҳаллий хавфсизлик кенгашлари орқали профилактика тадбирларини ташкил этиш, давлат ва муниципал органлар ҳамкорлиги ҳамда аҳолининг турли қатламлари билан индивидуал ишлаш амалиёти ёритилган. Нидерландия мисолида профилактиканинг уч босқичли тизими бирламчи, иккиламчи ва учламчи профилактика моделлари таҳлил қилинган