ВОЯГА ЕТМАГАНЛАР ТОМОНИДАН СОДИР ЭТИЛГАН ЖИНОЯТЛАР ПРОФИЛАКТИКАСИНИ ТАКОМИЛЛАШТИРИШ ЙЎНАЛИШЛАРИ

Abstract

Мақолада вояга етмаганлар томонидан содир этилган жиноятларнинг профилактикасига оид замонавий механизмлар таҳлили ва уларни такомиллаштириш йўналишлари ўрганилган. Ижтимоий муҳитдаги хавф-хатарлар, шу жумладан терроризм, диний экстремизм, ноқонуний миграция ва одам савдоси, ёшлар орасида ҳуқуқбузарликка мойилликнинг ортиши профилактика соҳасида янги механизмларни жорий этишни тақозо қилади. Мақолада қонунчилик, психологик-педагогик, ижтимоий ва технологик таркиблардан ташкил топган интеграцияланган профилактика механизмлари таҳлил қилинади. Шунингдек, Ўзбекистон Республикасининг 2010 йил 29 сентябрдаги “Вояга етмаганлар ўртасида назоратсизлик ва ҳуқуқбузарликлар профилактикаси тўғрисида”ги Қонуни таҳлил қилиниб, уни такомиллаштириш бўйича илмий асосланган тавсиялар ва қўшимча нормалар таклиф этилади. Мақола вояга етмаганлар ҳуқуқбузарлиги профилактикасини самарали ташкил этишда назарий, ҳуқуқий ва амалий асосларни шакллантиришга қаратилган.