SERVITUT TUSHUNCHASI, TURLARI VA UNING O'ZIGA XOS XUSUSIYATLARI

Abstract

Yer inson hayoti va farovonligi uchun eng muhim manbalardan biri hisoblanadi va insoniyatni iqtisodiy faoliyati uchun asosiy moddiy negiz yaratadi. Afsuski, yer miqdori cheklangan va dunyo aholisining o'sishi bilan u tobora kamayib bormoqda. Shu sababli ham undan har qanday davr va sharoitda oqilona, unumli va ilmiy asoslangan holda foydalanishni tashkil etish insoniyat buguni va kelajagi uchun muhim ahamiyat kasb etadi. Mamlakatimizda ham yer resurslarini muhofaza qilish va ulardan oqilona foydalanish davlat ekologik siyosatining asosiy yo‘nalishlaridan birini tashkil etadi. Bugungi kunda mamlakatimizda yerdan foydalanuvchilarning huquq va manfaatlarini himoya qilish, shuningdek, ilg‘or xorijiy davlatlarning tajribalari asosida servitut institutini zamon talablariga moslashtirgan holda takomillashtirish hamda bu orqali ushbu munosabatlarni kengaytirish muhim ahamiyatga ega. Shu maqsadda, mamlakatimizda yer munosabatlari sohasida jismoniy va yuridik shaxslarning mulk huquqini ishonchli tarzda himoya qilish hamda undan foydalanish bo‘yicha izchil islohotlar amalga oshirilmoqda.