INGILIZ TILI DARSLARIDA O'QUVCHILARNING O'ZLASHTIRISH DARAJASINI ANIQLASHDA ZAMONAVIY YONDASHUV VA RAQAMLI TEXNOLOGIYALARDAN FOYDALANISH

Abstrak

Mazkur maqolada ingliz tili darslarida o‘quvchilarning bilim va ko‘nikmalarini baholashning nazariy hamda amaliy jihatlari tahlil qilingan. O‘quvchilarning o‘zlashtirish darajasini aniqlashda an’anaviy va zamonaviy baholash metodlari qiyosiy o‘rganilib, raqamli texnologiyalarning pedagogik imkoniyatlari yoritilgan. Tadqiqot davomida interaktiv platformalar, elektron test tizimlari va sun’iy intellektga asoslangan vositalarning ta’lim samaradorligini oshirishdagi ahamiyati asoslab berilgan. Shuningdek, raqamli texnologiyalar orqali o‘quvchilarning individual xususiyatlarini hisobga olish, tezkor monitoring olib borish va baholashning ob’ektivligini ta’minlash imkoniyatlari ko‘rsatib berilgan. Tadqiqot natijalari ingliz tili ta’limida innovatsion yondashuvlarni joriy etish muhim ekanligini tasdiqlaydi.