Nurmuhammet Andalypyň döredijiliginde dessançylyk "Leýli-Mejnun" dessanynyň temasy hem-de orny

Abstrak

Bu makalada türkmen nusgawy edebiýatynyň görnükli wekili Nurmuhammet Andalypyň döredijiliginde dessançylygyň orny seljerilýär. Şahyryň döredijiliginde aýratyn ähmiýete eýe bolan dessanlar, aýratyn-da “Leýli-Mejnun” dessanynyň tematik we çeper aýratynlyklary öwrenilýär. Makalada Andalypyň dessanlarynyň tematik köpdürlüligi, onda beýan edilýän azat söýgi, ynsanperwerlik, adam mertebesi ýaly pikirleriň mazmuny açylyp görkezilýär. Şeýle hem “Leýli-Mejnun” rowaýatynyň döreýşi, onuň Gündogar edebiýatyndaky ösüşi we dürli şahyrlar tarapyndan işlenilişi baradaky maglumatlara seredilýär. Andalypyň bu eseri türkmen jemgyýetiniň sosial ýagdaýlary bilen baglanyşdyryp, ony dessan görnüşinde beýan ediş ussatlygy aýratyn bellenilýär. Şeýle hem şahyr tarapyndan öňe sürlen ynsanperwerlik, adalat, azat söýgi ýaly gymmatlyklaryň jemgyýetçilik ähmiýeti hem görkezilýär.