BIR MAMLAKAT, IKKI XIL TIBBIYOT: SHAHAR VA QISHLOQ O'RTASIDAGI SOG'LIQ TAFOVUTI

Abstrak

Mazkur maqolada bir mamlakat doirasida shahar va qishloq hududlari o‘rtasida sog‘liqni saqlash tizimidagi tafovutlar tahlil qilinadi. Xususan, tibbiy xizmatlardan foydalanish imkoniyati, zamonaviy texnologiyalar bilan ta’minlanganlik darajasi, malakali kadrlar mavjudligi hamda aholining ijtimoiy-iqtisodiy holati o‘rtasidagi farqlar yoritib beriladi. Maqolada shahar hududlarida tibbiy xizmatlarning rivojlanganligi, tezkor va sifatli xizmat ko‘rsatish imkoniyatlari mavjudligi ko‘rsatib o‘tilgan bo‘lsa, qishloq hududlarida esa tibbiy infratuzilmaning yetarli emasligi, mutaxassislar tanqisligi va transport muammolari asosiy to‘siq sifatida tahlil qilinadi. Shuningdek, ushbu tafovutlarning aholi salomatligiga, xususan umr davomiyligi, kasalliklarning kech aniqlanishi va davolanish samaradorligiga ta’siri ochib berilgan.