TASHBEH SAN'ATI VA UNING TURLARI

Abstrak

Ushbu maqolada badiiy adabiyotning muhim tasviriy vositasi bo‘lgan tashbeh (o‘xshatish) san’atining mohiyati, uning tarkibiy qismlari va turlari balog‘at ilmi qoidalari asosida tahlil qilingan. Maqolada tashbehning to‘rt rukni — mushabbah, mushabbah bihi, vajhi shabah va vositaning o‘zaro bog‘liqligi misollar yordamida yoritib berilgan. Shuningdek, tasvir ob’ektlarining tabiatiga ko‘ra tashbehning to‘rt turi (hissiy-hissiy, ma’naviy-ma’naviy, hissiy-ma’naviy, ma’naviy-hissiy) Alisher Navoiy, Najib Kiyloniy kabi adiblarning asarlari hamda arab mumtoz she’riyati namunalari orqali batafsil tahlil etilgan. Maqola so‘ngida tashbehning inson tafakkuri va millat dunyoqarashini ifodalashdagi falsafiy ahamiyati yuzasidan xulosalar berilgan.