YOSH SPORTCHILAR ORASIDA YENGIL ATLETIKA TURLARINI TANLASH OMILLARI VA MOTIVATSIYA

Abstrak

Ushbu maqolada yosh sportchilar orasida yengil atletika turlarini tanlashga ta’sir etuvchi omillar va ularni sportga jalb etishdagi motivatsion yondashuvlar tahlil qilinadi. Tadqiqot davomida biologik, psixologik, ijtimoiy va pedagogik omillarning yengil atletikaga bo‘lgan qiziqishga qanday ta’sir qilishi o‘rganiladi. Shuningdek, sportchilarning yoshi, jismoniy imkoniyatlari, shaxsiy qiziqishlari va atrof-muhitning (oila, murabbiy, jamiyat) rag‘batlantiruvchi roli chuqur tahlil etiladi. Motivatsiyaning ichki va tashqi shakllari, ularni mustahkamlash usullari, sportga qiziqishni oshirishga qaratilgan samarali metodik yondashuvlar ko‘rib chiqiladi. Maqola, yosh sportchilarni sportga ongli va barqaror jalb etish bo‘yicha amaliy tavsiyalarni ham o‘z ichiga oladi.