МИЛЛИЙ ГВАРДИЯ ОРГАНЛАРИДА МАЪМУРИЙ АМАЛИЁТНИ ТАКОМИЛЛАШТИРИШ ИСТИҚБОЛЛАРИ: УСТУВОР ЙЎНАЛИШЛАР ВА ИННОВАЦИОН ЁНДАШУВЛАР

Аннотация

Мазкур мавзу Миллий гвардия органларининг маъмурий амалиёт фаолиятини ривожлантириш истиқболларини илмий-амалий нуқтайи назардан ёритишга қаратилган. Маъмурий амалиёт жамоат тартиби ва жамоат хавфсизлигини таъминлашда ҳуқуқбузарликларни профилактика қилиш, уларни аниқлаш ва расмийлаштириш, маъмурий-процессуал ҳаракатларни қонуний тартибда амалга ошириш ҳамда қабул қилинган қарорлар ижросини таъминлашга хизмат қилувчи комплекс фаолият сифатида талқин этилади. Тадқиқотда маъмурий амалиётни такомиллаштиришнинг асосий истиқболли йўналишлари сифатида ваколатлар ва функцияларнинг ҳуқуқий аниқлигини кучайтириш, ягона стандарт операцион процедуралар (SOP)ни жорий этиш, рақамли ҳисоб ва мониторинг тизимларини кенгайтириш, рискга асосланган профилактика моделини татбиқ қилиш, хизмат ходимларининг касбий тайёргарлиги ва хизмат маданиятини ошириш, фуқаролар ҳуқуқларини кафолатловчи процессуал стандартларни мустаҳкамлаш ҳамда идоралараро ҳамкорлик механизмларини институционаллаштириш масалалари асосланади. Хулоса сифатида, Миллий гвардия маъмурий амалиётининг барқарор самарадорлиги “қонунийлик–тезкорлик–профилактика–шаффоф назорат” мувозанати таъминланган ҳолда ривожланиши лозимлиги таъкидланади.