OG'IR METALLAR BILAN IFLOSLANGAN MUHITDA BOLALARDA RESPIRATOR KASALLIKLAR XAVFINING ORTISHI

Аннотация

Mazkur ilmiy maqolada og‘ir metallar (qo‘rg‘oshin, kadmiy, simob, mishyak va boshqalar) bilan ifloslangan muhitning bolalar organizmiga, xususan, nafas olish tizimiga salbiy ta’siri tahlil qilinadi. Ilmiy adabiyotlar asosida og‘ir metallarning nafas yo‘llari orqali organizmga kirishi, immun tizimga ta’siri va respirator kasalliklar rivojlanishidagi roli yoritilgan. Tadqiqotlar natijalari bolalarda bronxit, bronxial astma, pnevmoniya va surunkali respirator kasalliklar xavfi ekologik jihatdan iflos hududlarda sezilarli darajada yuqori ekanini ko‘rsatadi.