PROFILAKTIKA INSPEKTORI OBYEKTLARINING TASNIFI HAQIDA AYRIM MULOHAZALAR

Abstract

Maqolada O‘zbekiston Respublikasi ichki ishlar organlari profilaktika inspektorlari nazoratidagi obyektdarni tasniflashning nazariy-asosiy muammolari va takomillashtirish yo‘nalishlari tahlil qilinadi. Hozirgi tasnifning kamchiliklari, yuklamaning notekis taqsimlanishi va huquqbuzarliklarning aniqlanishiga salbiy ta’siri ko‘rsatib o‘tiladi. Surxondaryo viloyati misolida: 2025-yilning 9 oyida “Tiğ” tadbiri doirasida 2260 ta o‘tkir tiğli predmet aniqlanganligi, ma’muriy huquqbuzarliklarning 33 766 taga (+20 015) oshgani va boshqa statistik ko‘rsatkichlar asosida. Xavf darajasiga (risk assessment) asoslangan uch bosqichli (yuqori – o‘rta – past) tasnif modeli taklif etilib, “E-Profilaktika” axborot tizimini risk baholash moduli bilan to‘ldirish, jamoat joylari va “xavfli hududlarni” alohida obekt sifatida kiritish, o‘tkir tiğli predmet olib yuruvchilarni avtomatik ravishda o‘rta xavf guruhiga kiritish kabi amaliy takliflar beriladi. Ushbu choralar profilaktika inspektorlari faoliyatining samaradorligini oshirishga xizmat qiladi.