O‘ZBEKISTONDA BIZNES SUBYEKTLARIDA BOSHQARUV MEXANIZMLARINING RIVOJLANISH TENDENSIYALARI

Abstract

Mazkur maqolada O‘zbekiston Respublikasida faoliyat yuritayotgan biznes subyektlarida boshqaruv mexanizmlarining shakllanish bosqichlari va zamonaviy rivojlanish tendensiyalari tahlil qilinadi. Mustaqillik yillaridan buyon amalga oshirilgan institutsional islohotlar, xususan, tadbirkorlik subyektlarini toifalarga ajratish mezonlarining takomillashtirilishi, mas’uliyati cheklangan jamiyatlar to‘g‘risidagi qonunchilikning yangilanishi hamda kichik va o‘rta biznesni rivojlantirish strategiyasi doirasidagi chora-tadbirlar ko‘rib chiqiladi. Davlat statistika qo‘mitasining rasmiy ma’lumotlari asosida kichik tadbirkorlik subyektlarining hududiy taqsimoti va ularning yalpi ichki mahsulotdagi ulushi dinamikasi tahlil qilinadi, korporativ boshqaruv organlari – kuzatuv kengashi va ijroiya organlari faoliyatining raqamlashtirilishi masalalariga alohida to‘xtalinadi. Tadqiqot natijasida boshqaruv mexanizmlarining markazsizlashtirilishi, oilaviy boshqaruv modelidan professional menejmentga o‘tish hamda xalqaro korporativ boshqaruv standartlariga integratsiyalashuv asosiy tendensiyalar sifatida belgilanadi.