MADANIYATLARARO KOMPETENSIYANI RIVOJLANTIRISHGA YO'NALTIRILGAN ONLAYN KOREYS TILI O'QITISH METODIKASI.

Abstract

Mazkur maqolada madaniyatlararo kompetensiyani rivojlantirishga yo‘naltirilgan onlayn koreys tili o‘qitish metodikasi ilmiy asosda tahlil qilinadi. Globallashuv sharoitida xorijiy tillarni o‘rganish nafaqat lingvistik bilimlarni, balki madaniyatlararo muloqot ko‘nikmalarini ham shakllantirishni talab etadi. Ayniqsa, koreys tilini masofaviy o‘qitishda raqamli texnologiyalar, interaktiv platformalar va autentik materiallardan foydalanish orqali talabalarda madaniyatlararo sezgirlikni rivojlantirish muhim ahamiyat kasb etadi. Maqolada onlayn ta’lim muhiti, kommunikativ yondashuv, madaniyat komponentining integratsiyasi va zamonaviy pedagogik texnologiyalar asosida samarali metodika taklif etiladi.