ҲУДУДЛАРДА ЖИНОЯТЧИЛИКНИ ОЛДИНИ ОЛИШДА ҚОНУН УСТУВОРЛИГИНИ ТАЪМИНЛАШ ЧОРАЛАРИ

Abstract

Мазкур мақолада ҳудудларда жиноятчиликни олдини олиш жараёнида қонун устуворлигини таъминлаш чораларининг назарий-ҳуқуқий ва амалий жиҳатлари комплекс таҳлил қилинган. Жиноятларни ҳисобга олишда шаффофликни таъминлаш, жиноят ишини қўзғатишни асоссиз рад этиш ҳолатларига барҳам бериш, мурожаатларни мажбурий рўйхатга олиш, рақамли мониторинг тизимларини жорий этиш ҳамда жамоатчилик назоратини кучайтириш каби механизмлар қонун устуворлигининг институционал кафолатлари сифатида асослаб берилган. Шунингдек, электрон ахборот тизимлари, мобил иловалар ва интеграциялашган маълумотлар базалари орқали жиноятчилик профилактикасини кучайтириш масалалари илмий манбалар ва расмий статистик маълумотлар асосида ёритилган. Тадқиқот натижалари қонун устуворлигини таъминлаш жиноятчиликни барқарор камайтиришнинг асосий шарти эканини кўрсатади.