VIZUAL ANTROPOLOGIYANING TARIXIY TADQIQOTLARDAGI O'RNI VA AHAMIYATI

Abstract

Mazkur maqolada vizual antropologiyaning tarixiy tadqiqotlardagi o‘rni va ahamiyati ilmiy-nazariy jihatdan tahlil qilinadi. Tadqiqotda vizual antropologiyaning shakllanish tarixi, asosiy nazariy yondashuvlari hamda tarix fanining metodologiyasida tutgan o‘rni yoritilgan. Vizual manbalar — fotografiya, etnografik kino, rasm va boshqa tasviriy vositalarning tarixiy bilimni shakllantirishdagi imkoniyatlari asoslab berilgan. Maqolada g‘arb va rus ilmiy maktablari doirasida olib borilgan tadqiqotlar qiyosiy tahlil qilinib, vizual antropologik yondashuvning universal va kontekstual xususiyatlari aniqlanadi. Muallif vizual antropologiyani tarixiy tadqiqotlarda yordamchi usul sifatida emas, balki mustaqil ilmiy-metodologik yo‘nalish sifatida qarash zarurligini asoslaydi. Tadqiqot natijalari vizual manbalarni tanqidiy va tizimli tahlil qilish tarix fanini mazmunan boyitishini ko‘rsatadi.