EMOTSIONAL INTELLEKTNING RIVOJLANMASLIGI ZAMONAVIY MUAMMOLAR MANBAI SIFATIDA

Аннотация

Maqolada emotsional intellektning rivojlanmasligi zamonaviy jamiyatda yuzaga kelayotgan psixologik va ijtimoiy muammolar manbai sifatida tahlil qilinadi. Tadqiqotda emotsional intellektning shaxs psixologiyasiga, ijtimoiy moslashuvga, stress darajasiga va psixologik farovonlikka ta’siri nazariy va empirik jihatdan o‘rganildi. Nazariy tahlil psixologik nazariyalar, emotsional intellekt konsepsiyalari va ilg‘or tadqiqotlar asosida shakllantirildi. Empirik qismda psixologik so‘rovnomalar, intervyular va kuzatish metodlari yordamida emotsional intellekt darajasi va shaxs ruhiy salomatligi o‘rtasidagi bog‘liqlik aniqlangan. Tadqiqot natijalari shuni ko‘rsatdiki, emotsional intellektning yetarlicha rivojlanmasligi shaxsning stressga chidamliligini pasaytiradi, ijtimoiy moslashuv qobiliyatini susaytiradi va emotsional beqarorlikka olib keladi. Maqolada emotsional intellektni rivojlantirishga yo‘naltirilgan psixologik yondashuvlar va amaliy tavsiyalar keltirilgan.