XIX ASR OXIRI – XX ASR BOSHLARIDA TOSHKENTDAGI NOISLOMIY DINIY TASHKILOTLARNING SHAKLLANISHI VA RIVOJLANISHI

Abstract

Ushbu ilmiy maqola XIX asr oxiri – XX asr boshlarida Toshkent shahrida faoliyat yuritgan noislomiy diniy tashkilotlarning shakllanishi, rivojlanishi va ularning shahar ijtimoiy-madaniy hayotiga ta’sirini tarixiy manbalar asosida tahlil qiladi. Maqola Turkiston o‘lkasining imperiyaviy davrdagi demografik tarkibi, etnik-diniy ko‘p qatlamlilik jarayonlari hamda Toshkentning yangi ma’muriy markaz sifatida shakllanishi bilan bog‘liq o‘zgarishlarni ilmiy asosda yoritadi. Pravoslav, katolik, protestant jamoalari hamda Buxoro yahudiylari va ashkenazi yahudiy jamoalarining diniy faoliyati, ularning diniy-ma’rifiy muassasalari, jamiyatdagi o‘rni va o‘zaro munosabatlari izchil ochib beriladi.