MITOZ VA MEYOZNING MEXANIZMLARI VA ULAR ORQALI ORGANIZMLARNING KO‘PAYISHI

Аннотация:

Tirik organizmlar hayoti davomida o‘sadi, rivojlanadi, yangilanadi va eng muhimi — o‘z avlodini qoldiradi. Barcha bu jarayonlarning asosi hujayraning bo‘linish qobiliyatiga borib taqaladi. Hujayra bo‘linishi ikki asosiy ko‘rinishda mavjud: mitoz va meyoz. Mitoz — tanaviy hujayralarning bo‘linishi bo‘lib, irsiy axborotni o‘zgarmagan holda qiz hujayralarga yetkazadi, organizmning o‘sishi va tiklanishini ta’minlaydi. Meyoz esa jinsiy ko‘payishning poydevori bo‘lib, gametalarda xromosomalar sonini ikki baravar kamaytiradi hamda genetik xilma–xillikni shakllantiradi. Ushbu maqolada mitoz va meyozning mexanizmlari, ularning farqlari, o‘zaro bog‘liqligi hamda ko‘payish jarayonidagi ahamiyati batafsil yoritiladi.