SPORT ILAJLARINIŃ ZAMANAGÓY RAWAJLANIW BASQISHLARI

Annotatsiya

“Insannıń fizikalıq jetilisiwi tábiyattıń sawǵası emes, al onıń maqsetke muwapıq qáliplesiwiniń nátiyjesi bolıp tabıladı” (Ibn Sina). Insan tárepinen aqıl-oy, fizikalıq hám ruwxıy kúshlerdiń úylesimli kombinaciyası onıń rawajlanıwı hám jetilisiwi dawamında joqarı bahalandı. Ullı insanlar óz shıǵarmalarında fizikalıq yamasa ruwxıy tárbiyanıń ústinligin atap ótpesten, hár qanday pazıyletlerdi hádden tıs asırıp jiberiw, qáliplesiw shaxstıń únles rawajlanıwınıń buzılıwına alıp keletuǵının tereń ańlaǵan hám jaslardı hár tárepleme rawajlandırıw zárúrligin atap ótken. Adamzat jámiyetiniń payda bolıw dáwirinen baslap, “mádeniyat” ataması áhmiyetli túsinikke aylanıp, “óndiriw”, “qayta islew”, “tárbiya”, “bilimlendiriw”, “rawajlanıw”, “húrmet” sıyaqlı túsinikler menen tıgız baylanıslı halda qollanılǵan. Zamanagóy jámiyettegi bul atama ózgeriwsheń iskerliktiń keń sheńberine hám onıń nátiyjelerine sáykes keletuǵın qádiriyatlar túrinde, atap aytqanda, “óz tábiyatınıń ózgeriwin” qamtıp aladı.