O‘SMIRLARDA DESTRUKTIV AXBOROTLARGA NISBATAN MAFKURAVIY IMMUNITETNI SHAKLLANTIRISHNING IJTIMOIY-PSIXOLOGIK OMILLARI

Abstract

Mazkur tezisda o‘smirlar orasida destruktiv axborotlarning tarqalishi, ularning yoshlarning psixologik holati, dunyoqarashi va ijtimoiy xulq-atvoriga ta’siri hamda bunday axborotlarga qarshi mafkuraviy immunitetni shakllantirishning ijtimoiy-psixologik omillari tahlil qilinadi. Axborot-kommunikatsiya texnologiyalarining jadal rivojlanishi va internet tarmog‘ining yoshlar hayotidagi o‘rni ortib borishi o‘smirlarni turli mazmundagi axborotlar, jumladan, destruktiv g‘oyalar va manipulyativ ta’sirlarga nisbatan zaif guruhga aylantirishi mumkin. Shu sababli o‘smirlarda tanqidiy fikrlash, axborotlarni tahlil qilish, mustaqil qaror qabul qilish, milliy va umuminsoniy qadriyatlarga asoslangan barqaror dunyoqarashni shakllantirish muhim psixologik-pedagogik vazifalardan biri hisoblanadi. Tezisda oila, ta’lim muassasasi, tengdoshlar guruhi va ommaviy axborot vositalarining o‘smirlarda mafkuraviy immunitet shakllanishidagi o‘rni yoritilgan.