MAKTABGACHA TA’LIM TASHKILOTINING OILA BILAN HAMKORLIGI

Annotatsiya

Mazkur maqolada maktabgacha ta’lim tashkilotining oila bilan hamkorligi, uning mazmuni, maqsadi va bola tarbiyasidagi ahamiyati yoritilgan. Maktabgacha yoshdagi bolalarning har tomonlama rivojlanishi, ta’lim-tarbiyasi, mustaqil fikrlashi, ijtimoiy koʻnikmalarni egallashi va maktab ta’limiga tayyorlanishida oila hamda maktabgacha ta’lim tashkilotining oʻzaro hamkorligi muhim ahamiyatga ega. Maqolada MTT va oila oʻrtasidagi hamkorlikning asosiy shakllari, ota-onalar bilan ishlash usullari, pedagogik maslahatlar, ota-onalar yigʻilishlari, ochiq mashgʻulotlar, tadbirlar va zamonaviy axborot texnologiyalaridan foydalanish masalalari tahlil qilingan. Shuningdek, oila va MTTning yagona tarbiyaviy maqsad asosida faoliyat olib borishi bolaning shaxsiy, aqliy, jismoniy, ma’naviy-axloqiy va ijtimoiy rivojlanishiga ijobiy ta’sir koʻrsatishi asoslab berilgan.