BOSHLANG‘ICH SINF O‘QUVCHILARIDA O‘Z-O‘ZINI TARBIYALASHNI FAOLLASHTIRISHNING PEDAGOGIK ASOSLARI

Annotatsiya

Ushbu tezisda boshlang‘ich sinf o‘quvchilarida o‘z-o‘zini tarbiyalash ko‘nikmalarini shakllantirishning pedagogik asoslari yoritilgan. O‘quvchilarning mustaqil fikrlashi, o‘z xulq-atvorini boshqara olishi va shaxsiy rivojlanishini ta’minlashda o‘z-o‘zini tarbiyalashning ahamiyati tahlil qilingan. Tadqiqot davomida pedagogik kuzatish, tahlil va taqqoslash metodlaridan foydalanilgan. Shuningdek, interfaol metodlar, rag‘batlantirish va mustaqil topshiriqlarning o‘quvchilar faolligini oshirishdagi o‘rni ko‘rsatib berilgan. Tadqiqot natijalari boshlang‘ich ta’lim jarayonida o‘z-o‘zini tarbiyalash ko‘nikmalarini rivojlantirish muhim pedagogik omil ekanligini tasdiqlaydi.