SUT BEZI SARATONIDA RADIOLOGIK TASVIR XUSUSIYATLARNI QIYOSIY TAVSIFLASH

Аннотация

Jahon mamlakatlari orasida so’nggi paytlarda sut bezi saratoni (SBS) bilan kasallanish soni oshib bormoqda, bu esa tibbiy-ijtimoiy, iqtisodiy muammolarga sabab bo‘lmoqda. Ayniqsa, bu patologiyaning sut bezi saratoni rivojlanishi ularni tashxislash va davolashda murakkablik vujudga keltirishi bilan alohida o‘rin tutmoqda. Aniqlanishicha, «…so‘nggi 20 yil davomida o‘tkazilgan tadqiqotlar natijasida bemorlarda sut bezi saratoni kasallikligi 42% gacha, turli sut bezi kasalliklar bilan birga kelishi esa 80% gacha kuzatilishi qayd etilgan…»^[1]. Shu bilan birga sut bezi saratoni barcha iqtisodiy rivojlangan mamlakatlarda ayollar orasida onkologik kasalliklar orasida yetakchi o‘rinda turadi. Butun dunyo ayollarida xavfli o‘smalar  orasida sut bezi saratoni bilan kasallanish birinchi o‘rinni egallab kelmoqda. Iqtisodiy nuqtai nazardan olib qaraganda SBS erta aniqlangan bemorlarni davolash ancha manfaatli: SBS ning III- bosqichidagi bemorlarni davolash, I bosqichidagilarni davolashga nisbatan 15-30 barobarga qimmatroqdir, shu bilan birgalikda mablagʼlarning faqat 5% tashxisotga, 95% - esa bemorlarni davolashga sarf qilinadi. SBS boshlangʼich bosqichida 40-49 yoshli ayollarda 17% ga, 50 yoshdan oshganlarda esa 30% gacha oʼlim koʼrsatkichlarining kamayganligi aniqlangan. Oʼsmaning diametri 1 sm 3 gacha boʼlganda va limfatik tugunlar shikastlanmaganda, davolash qimmat turuvchi ximioterapevtik komponentlarsiz, aʼzoni saqlab qoluvchi operatsiyalar bilan chegaralanishi mumkin.