“YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!” G‘OYASINING IJTIMOIY-FALSAFIY MAZMUNI VA AMALIY MEXANIZMLARI

Аннотация

Mazkur maqolada “Yagona Vatan, yagona xalq bo‘lib, yangi hayot va kelajak yaratamiz!” g‘oyasining ijtimoiy-falsafiy, aksiologik, fuqarolik-huquqiy va pedagogik mazmuni tahlil qilingan. Ushbu g‘oya O‘zbekiston Respublikasi Prezidentining 2026-yil 1-apreldagi PQ–120-son qarorida mamlakat davlat mustaqilligining 35 yilligini nishonlashning bosh g‘oyasi sifatida belgilangan. Maqolada “Yagona Vatan”, “yagona xalq”, “yangi hayot” va “kelajak yaratish” tushunchalari o‘zaro bog‘liq yaxlit taraqqiyot modeli sifatida talqin etiladi. Tadqiqotda tizimli yondashuv, aksiologik tahlil, qiyosiy tahlil, institutsional yondashuv, kontent-tahlil va ilmiy modellashtirish usullaridan foydalanilgan. Milliy birdamlikni ta’minlovchi asosiy omillar sifatida umumiy fuqarolik o‘zligi, ijtimoiy adolat, millatlararo totuvlik, o‘zaro ishonch, faol fuqarolik pozitsiyasi, tarixiy xotira va kelajak uchun mas’uliyat ko‘rsatib berilgan. Shuningdek, oila, mahalla, ta’lim muassasalari, fuqarolik jamiyati institutlari, ommaviy axborot vositalari va davlat tashkilotlarining mazkur g‘oyani ro‘yobga chiqarishdagi vazifalari yoritilgan. Tadqiqot natijasida milliy birdamlikni baholashga xizmat qiluvchi konseptual mezonlar va amaliy tavsiyalar ishlab chiqilgan.