O‘ZBEKISTONDA TURIZM MARKETINGI SAMARADORLIGINI OSHIRISHDA RAQAMLI YONDASHUVLARNING O‘RNI

Аннотация

Zamonaviy marketing sharoitida turizm xizmatlarini ilgari surish an’anaviy reklama vositalari bilan cheklanib qolmay, raqamli platformalar, ijtimoiy tarmoqlar, kontent marketing va maqsadli kommunikatsiyalar orqali amalga oshirilmoqda [1]. Ayniqsa, turizm destinatsiyasining xalqaro bozordagi ko‘rinishi iste’molchi qaroriga bevosita ta’sir etgani sababli, raqamli marketing vositalari mamlakatning turizm raqobatbardoshligini belgilovchi strategik omillardan biriga aylangan [2]. O‘zbekiston misolida tarixiy-madaniy resurslar kuchli brend asosini yaratadi, biroq bu resurslarni bozorda samarali monetizatsiya qilish uchun raqamli marketing va segmentlangan targ‘ibot zarur [3].