YOSHLAR HUQUQLARINI TA’MINLASHNING ZAMONAVIY TENDENSIYALARI

Аннотация

Mazkur maqolada yoshlar huquqlarini ta’minlashning zamonaviy tendensiyalari, ularning nazariy-huquqiy asoslari hamda globallashuv va raqamlashtirish sharoitida yuzaga kelayotgan yangi imkoniyatlar va muammolar tahlil qilinadi. Yoshlar jamiyatning eng faol ijtimoiy qatlami sifatida davlat va jamiyat taraqqiyotida muhim o‘rin tutadi. Shu sababli ularning ta’lim olish, mehnat qilish, siyosiy jarayonlarda ishtirok etish, axborot olish va o‘z salohiyatini ro‘yobga chiqarish huquqlarini ta’minlash zamonaviy davlat siyosatining ustuvor yo‘nalishlaridan biri hisoblanadi. Tadqiqotda yoshlar huquqlarini himoya qilishning xalqaro standartlari, O‘zbekistonda amalga oshirilayotgan islohotlar hamda raqamli jamiyat sharoitida yoshlar huquqlarini ta’minlashning istiqbollari yoritilgan.