ИЧКИ ИШЛАР ОРГАНЛАРИНИНГ МАЪМУРИЙ ҲУҚУҚБУЗАРЛИКЛАР ТЎҒРИСИДАГИ ИШЛАРНИ ҚЎЗҒАТИШНИНГ ИЛМИЙ АСОСЛАРИНИ ТАКОМИЛЛАШТИРИШ МУАММОЛАРИ

Аннотация

Ҳозирги глобаллашув ва жамият ҳаётининг барча соҳаларида ҳуқуқий муносабатларнинг мураккаблашиб бориши шароитида жамоат тартиби ва хавфсизлигини таъминлаш давлатнинг устувор вазифаларидан бири ҳисобланади. Бу борада ички ишлар органлари томонидан маъмурий ҳуқуқбузарликларни ўз вақтида аниқлаш, уларга чек қўйиш ҳамда ҳуқуқбузарликлар тўғрисидаги ишларни қонуний ва асосли тарзда қўзғатиш алоҳида аҳамият касб этади. Зеро, маъмурий ҳуқуқбузарликлар тўғрисидаги ишларни қўзғатиш босқичи бутун маъмурий юрисдикция жараёнининг дастлабки ва ҳал қилувчи босқичи бўлиб, кейинги процессуал ҳаракатларнинг қонунийлиги ҳам айнан шу босқичнинг қай даражада тўғри ташкил этилганлигига боғлиқдир.