RASMLAR ASOSIDA BOLALARNING SO‘Z BOYLIGINI OSHIRISH

Аннотация

Mazkur tezis maktabgacha yoshdagi bolalarda rasmlar asosida so‘z boyligini oshirishning nazariy va amaliy asoslarini o‘rganishga bag‘ishlangan. Tadqiqot davomida vizual vositalarning bolalar nutqini rivojlantirishdagi pedagogik imkoniyatlari, rasmlar yordamida yangi so‘zlarni o‘rgatish usullari hamda lug‘at boyligini kengaytirishning samarali metodlari tahlil qilindi. Tezisda maktabgacha yosh davrida nutq rivojlanishining ahamiyati, bolaning tafakkuri va nutqi o‘rtasidagi bog‘liqlik hamda vizual ta’lim vositalarining psixologik xususiyatlari ilmiy manbalar asosida yoritib berildi. Shuningdek, rasmlar asosida tashkil etilgan mashg‘ulotlarning bolalarda mustaqil fikrlash, bog‘lanishli nutq, muloqot madaniyati va ijodiy tafakkurni rivojlantirishdagi o‘rni ochib berilgan. Shuningdek, tezisda zamonaviy pedagogik texnologiyalar asosida multimedia vositalari, elektron rasmlar va interaktiv o‘yinlardan foydalanishning bolalar so‘z boyligini oshirishdagi imkoniyatlari haqida ham fikr yuritilgan. Ota-onalar va pedagoglarning hamkorlikdagi faoliyati bolalar nutqini rivojlantirishda muhim omil ekanligi ta’kidlangan.