RAQAMLI TA’LIM TEXNOLOGIYALARI ASOSIDA SO‘Z YASALISHINI O‘RGATISHNING INTEGRATSION YONDASHUVI

Аннотация

Mazkur tezisda raqamli ta’lim texnologiyalari asosida so‘z yasalishini o‘qitishning integratsion yondashuvi tahlil qilingan. Unda ona tili ta’limida zamonaviy axborot-kommunikatsiya texnologiyalaridan foydalanishning pedagogik ahamiyati yoritilgan. Xususan, Google Classroom, Quizizz, Kahoot, Wordwall, Canva kabi raqamli platformalarning so‘z yasalishini o‘rgatishdagi imkoniyatlari misollar asosida ko‘rsatib berilgan. Shuningdek, integratsion yondashuv orqali o‘quvchilarning lingvistik kompetensiyasi, mustaqil fikrlashi, raqamli savodxonligi va ijodiy qobiliyatlarini rivojlantirish masalalari tahlil etilgan. Tadqiqot natijasida raqamli texnologiyalar ta’lim samaradorligini oshirish, interaktiv va individual ta’limni tashkil etishda muhim vosita ekanligi asoslab berilgan.