O‘ZBEKISTON IQTISODIYOTIDA DAVLAT ISHTIROKINI QISQARTIRISH VA XUSUSIY SEKTORNI RIVOJLANTIRISH YO‘NALISHLARI

Аннотация

Ushbu maqolada O‘zbekiston Respublikasi iqtisodiyotida davlat ishtirokini qisqartirish jarayonlari va xususiy sektorni rivojlantirish yo‘nalishlari tahlil qilingan. Tadqiqotda tizimli, qiyosiy va statistik tahlil usullari qo‘llanilib, so‘nggi yillarda amalga oshirilgan islohotlarning natijalari hamda ularning iqtisodiy samaradorlikka ta’siri o‘rganilgan. Natijalar shuni ko‘rsatadiki, xususiylashtirish siyosati iqtisodiy o‘sishni jadallashtirish, raqobatni kuchaytirish va investitsion muhitni yaxshilashda muhim omil bo‘lib xizmat qilmoqda. Shu bilan birga, ayrim tarmoqlarda davlat ulushi saqlanib qolayotgani va byurokratik to‘siqlar mavjudligi jarayonning to‘liq natijadorligiga ta’sir ko‘rsatmoqda. Maqolada xususiy sektorni qo‘llab-quvvatlash, huquqiy muhitni takomillashtirish va davlat aktivlarini samarali boshqarish bo‘yicha taklif va tavsiyalar ishlab chiqilgan.