RAQAMLI QARAMLIK (INTERNET, GADJETLAR) VA SHAXS RIVOJIGA TA'SIRI

Аннотация

 Mazkur ilmiy maqolada zamonaviy jamiyat sharoitida keng tarqalayotgan raqamli qaramlik (internet va turli gadjetlardan haddan tashqari foydalanish)ning shaxs rivojiga psixologik ta’siri tahlil qilinadi. Tadqiqotda raqamli muhitning shaxsning emotsional holati, motivatsion sohasi, ijtimoiy munosabatlari va o‘zini anglash jarayonlariga ko‘rsatadigan ijobiy va salbiy jihatlari ilmiy manbalar asosida yoritilgan. Shuningdek, raqamli qaramlikning shakllanish omillari, uning yosh davrlariga xos xususiyatlari hamda shaxsiy rivojlanishda yuzaga keltiradigan psixologik muammolari ko‘rib chiqiladi. Tadqiqot natijalari shuni ko‘rsatadiki, raqamli texnologiyalardan nazoratsiz foydalanish shaxsning ijtimoiy moslashuvi, mustaqil fikrlashi va emotsional barqarorligiga salbiy ta’sir ko‘rsatadi. Maqola xulosalarida raqamli qaramlikning oldini olish va sog‘lom raqamli madaniyatni shakllantirish bo‘yicha psixologik tavsiyalar ishlab chiqilgan. Tadqiqot natijalari psixologiya, pedagogika va ijtimoiy fanlar sohasida ilmiy-amaliy ahamiyatga ega.