OCHIQ KONLARDA EKSKAVATOR ISH FRONTI PARAMETRLARI VA ULARNING TEXNOLOGIK SAMARADORLIKKA TA'SIRI

Аннотация

Mazkur maqolada ochiq kon sharoitida ekskavator ish fronti parametrlari va ularning texnologik samaradorlikka ta’siri Qalmoqqir konining real ishlab chiqarish ma’lumotlari asosida ilmiy jihatdan tadqiq etilgan. Zaboy balandligi, ish fronti kengligi, ekskavatorning zaboyga nisbatan joylashuvi hamda ish frontidan foydalanish koeffitsientining qazib-yuklash jarayonidagi roli tahlil qilingan. Tadqiqot jarayonida ishlab chiqarish kuzatuvlari, texnologik hisob-kitoblar va me’yoriy-uslubiy yondashuvlardan foydalanilgan. Olingan natijalar ish fronti parametrlarini ratsional tanlash ekskavator ish sikli davomiyligini qisqartirish, kovsh to‘lish darajasini oshirish hamda umumiy unumdorlikni 12–18 % gacha ko‘paytirish imkonini berishini ko‘rsatadi. Tadqiqot natijalari ochiq kon ishlarini loyihalash va rejalashtirishda amaliy ahamiyatga ega.