MATEMATIKA FANINI O'QITISHDA KREATIV METODLARDAN FOYDALANISH

Аннотация

Mazkur maqolada umumiy o‘rta ta’lim maktablarida matematika fanini o‘qitishda kreativ va interaktiv metodlardan foydalanish masalalari yoritilgan. Tadqiqot jarayonida 6-sinfda “Geometrik shakllardagi noma’lum burchaklarni topish” mavzusida tashkil etilgan ochiq dars tajribasi asos qilib olindi. Dars jarayonida savol-javob, guruhli ishlash, amaliy mashqlar hamda axborot-kommunikatsiya texnologiyalaridan foydalanish o‘quvchilarning mantiqiy fikrlashini, mustaqil qaror qabul qilish va ijodiy yondashuv ko‘nikmalarini rivojlantirishga xizmat qilgani asoslab berildi. O‘rganishlar natijasida kreativ metodlar matematika darslarining samaradorligini oshirishi, o‘quvchilarning bilimlarni chuqur va puxta o‘zlashtirishiga ijobiy ta’sir ko‘rsatishi aniqlandi. Maqolada keltirilgan xulosalar va takliflar matematika fanini o‘qitish jarayonini takomillashtirishga qaratilgan.