ПРОФИЛАКТИКА ИНСПЕКТОРИНИНГ ВОЯГА ЕТМАГАНЛАР ЎРТАСИДА ЎҒИРЛИК ЖИНОЯТЛАРИНИ ОЛДИНИ ОЛИШ ФАОЛИЯТИНИ ТАКОМИЛЛАШТИРИШДАГИ АЙРИМ МУЛОҲАЗАЛАР

Аннотация

Ушбу ишда профилактика инспекторининг вояга етмаганлар ўртасида ўғирлик жиноятларини олдини олиш фаолиятининг мазмун-моҳияти, унда мавжуд муаммолар ва уларни бартараф этишга қаратилган амалий таклифлар ёритилган. Тадқиқотда ўғирлик жиноятларига мойил бўлган вояга етмаганларнинг ижтимоий-психологик хусусиятлари, уларнинг ҳуқуққа зид хатти-ҳаракатларига таъсир этувчи омиллар, оила ва маҳалла муҳитидаги профилактика ишларининг камчиликлари таҳлил қилинган. Шунингдек, профилактика инспектори фаолиятида замонавий хавфни баҳолаш инструментларидан фойдаланиш, таълим муассасалари, жамоат бирлашмалари ва пробация хизмати билан ҳамкорликни кучайтириш, профилактик ишни индивидуаллаштириш ҳамда рақамли технологияларни жорий этиш билан боғлиқ таклифлар илгари сурилган. Тадқиқот натижалари вояга етмаганлар ўртасида ўғирлик жиноятларини камайтириш ва жиноятчилик профилактикасини такомиллаштиришда муҳим назарий ва амалий аҳамият касб этади.