ПРОФИЛАКТИКА ИНСПЕКТОРИНИНГ ҲУҚУҚБУЗАРЛИКЛАР ПРОФИЛАКТИКАСИДА БАНДЛИК ВА МЕҲНАТ ОРГАНЛАРИ БИЛАН ҲАМКОРЛИГИНИ ТАКОМИЛЛАШТИРИШ

Аннотация

Ушбу ишда профилактика инспекторининг ҳуқуқбузарликлар профилактикасида бандлик ва меҳнат органлари билан ўзаро ҳамкорлик фаолияти таҳлил қилинади. Тадқиқотда ишсизлик, иқтисодий қийинчиликлар ва ижтимоий номувофиқликнинг ҳуқуқбузарликлар содир этилишига таъсир этувчи асосий омил сифатидаги ўрни ёритилади ҳамда ушбу муаммоларни бартараф этишда бандлик органлари билан профилактика инспектори ўртасидаги интерактив ҳамкорликни такомиллаштириш бўйича таклифлар ишлаб чиқилади. Мавжуд миллий амалиёт ва хорижий тажрибалар асосида шахсни меҳнатга жалб этиш, касбга ўқитиш, қайта тайёрлаш, иш билан таъминлаш ва ижтимоий ҳимоя механизмлари профилактика самарадорлигини оширувчи омиллар сифатида таҳлил қилинади. Тадқиқот натижалари ҳуқуқбузарликларнинг ижтимоий-иқтисодий илдизларини бартараф этишга қаратилган комплекс профилактика моделини шакллантиришда амалий аҳамиятга эга.