PM2.5 CHANG ZARRACHALARI: ZAMONAVIY EKOLOGIK VA TIBBIY MUAMMO

Abstrak

Ushbu maqolada atmosfera havosida uchraydigan PM2.5 chang zarrachalarining zamonaviy ekologik va tibbiy muammo sifatidagi ahamiyati yoritiladi. PM2.5 zarrachalarining kelib chiqishi va etiologiyasi, ularning fizik-kimyoviy tuzilishi hamda inson organizmiga kirish mexanizmlari ilmiy manbalar asosida tahlil qilinadi. Shuningdek, ushbu mayda zarrachalarning nafas olish tizimi, yurak-qon tomir tizimi va umumiy sog‘liq holatiga ko‘rsatadigan salbiy ta’siri bilan bog‘liq diagnostik yondashuvlar ko‘rib chiqiladi. Maqolada PM2.5 bilan bog‘liq xavflarning oldini olish, profilaktika choralari hamda undan samarali saqlanish usullari muhokama qilinadi. Jahon sog‘liqni saqlash tashkiloti va chet el olimlarining ilmiy tadqiqotlariga tayangan holda, PM2.5 ifloslanishini kamaytirish jamoat salomatligini muhofaza qilishda muhim ahamiyat kasb etishi asoslab beriladi.