ESKI O'ZBEK YOZUVIDAGI ASARLARNING MADANIY VA TARIXIY AHAMIYATI

Abstrak

Mazkur maqolada eski o‘zbek yozuvida yozilgan tarixiy manbalarning o‘rganilishi tahlil qilinadi. O‘rta asrlar va yangi davr boshlarida yaratilgan tarixiy asarlar, va  hujjatli manbalar tarixiy tadqiqotlar uchun muhim ma’lumotlar bazasi sifatida ko‘rib chiqiladi. Tadqiqot jarayonida eski o‘zbek yozuvida yozilgan asarlarning mazmuni, ularning yaratilish sharoiti, mualliflik xususiyatlari hamda tarixiy ishonchlilik darajasi tahlil qilinadi. Shuningdek, ushbu manbalarning tarixni o‘rganishdagi ahamiyati, ularni tasniflash, ilmiy muomalaga kiritish hamda zamonaviy tadqiqotlarda qo‘llash masalalari yoritiladi.Eski o‘zbek yozuvida yaratilgan manbalar tahlili jarayonida  tarixiy manbalar nafaqat siyosiy tarixni, balki ijtimoiy, madaniy va iqtisodiy jarayonlarni o‘rganishda ham muhim ilmiy manba ekanligi asoslab beriladi.