КРИПТО-АКТИВЛАР АЙЛАНМАСИ СОҲАСИДАГИ ҚОНУНЧИЛИКНИ БУЗИШ ЖИНОЯТЛАРНИНГ ТАСНИФИ ВА ТАВСИФИ

Abstrak

Мақолада крипто-активлар айланмаси соҳасидаги қонунчиликни бузиш жиноятининг ҳуқуқий табиати ва таркиби комплекс таҳлил қилинган. Жиноятнинг объекти, объектив томон, субъект ва субъектив томоннинг хусусиятлари, маъмурий преюдиция тушунчаси, жиноятнинг квалификацияланган турлари — такрорий содир этиш, кўп миқдор ва жуда кўп миқдор, гуруҳ бўлиб, хизмат мавқеидан фойдаланиб ва уюшган гуруҳ томонидан ёки унинг манфаатларини кўзлаб содир этиш белгилари батафсил шарҳланган. Халқаро амалиётда учрайдиган крипто-активлар билан боғлиқ ҳуқуқбузарликлар — жиноий даромадларни легаллаштириш, фирибгарлик, киберҳужумлар, терроризмни молиялаштириш ва муаллифлик ҳуқуқларини бузиш турлари таҳлил этилиб, рақамли иқтисодиёт шароитида молиявий-ҳуқуқий хавфсизликни таъминлашнинг долзарблиги исботланган.