МАҲАЛЛАЛАРДА ХАВФСИЗ МУҲИТ ВА ҲУҚУҚБУЗАРЛИКЛАРНИ БАРВАҚТ ОЛДИНИ ОЛИШ ТИЗИМИ САМАРАДОРЛИГИНИНГ ИЛМИЙ-НАЗАРИЙ ТАҲЛИЛИ

Abstrak

Мазкур мақолада маҳаллаларда хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини ошириш масаласи илмий-назарий жиҳатдан таҳлил қилинган. Тадқиқотда Ўзбекистон Республикасида жамоат хавфсизлигини таъминлашга қаратилган ҳуқуқий ислоҳотлар, хусусан, Президент қарорлари ва стратегиявий ҳужжатлар мазмуни ёритилган. Шунингдек, кўча ва жамоат жойларида содир этилаётган жиноятлар бўйича расмий статистик маълумотлар таҳлил қилиниб, маҳалла даражасида профилактик фаолиятни кучайтиришнинг долзарб жиҳатлари асослаб берилган. Хорижий олимларнинг илмий қарашлари ва илғор тажрибаси асосида ҳуқуқбузарликларнинг барвақт олдини олишда маҳалла институтининг ўрни ва аҳамияти очиб берилган ҳамда тизим самарадорлигини оширишга қаратилган илмий хулосалар шакллантирилган.