MADANIY MEROS OBYEKTLARINI MUHOFAZA QILISHDA ARXIVLARNING ROLI

Abstrak

Ushbu maqolada O‘zbekiston Respublikasida madaniy meros obyektlarini muhofaza qilish jarayonida arxivlarning tutgan o‘rni, ularning xalqaro standartlar bilan uyg‘unligi hamda raqamli arxiv tizimlari rivoji, aslligini saqlash tizimida arxiv hujjatlarining nazariy va amaliy ahamiyati tahlil qilinadi. Tadqiqotda arxiv fondlari, xususan, davlat arxivlari va shaxsiy kelib chiqishga oid fondlar moddiy merosning huquqiy, ilmiy va ma’naviy qadriyatini tasdiqlovchi yagona ishonchli manba ekanligi asoslanadi. Xalqaro tajriba (ICCROM qoʻllanmasi misolida) namunalar arxivi va hujjatlarni boshqarishning muhimligini ko‘rsatadi. Maqolada arxiv hujjatlarining huquqiy himoya va restavratsiya jarayonlaridagi o‘rni hamda ularni ilmiy aylanmaga kiritish va raqamlashtirishning dolzarb vazifalari yoritilgan.