HUDUDIY XIZMAT KO'RSATISH TARMOQLARIDA KLASTERLASH ASOSIDA BOSHQARUV SAMARADORLIGINI OSHIRISH MEXANIZMLARI

Abstrak

Mazkur maqolada hududiy xizmat ko‘rsatish tarmoqlarida klasterlash yondashuvi asosida boshqaruv samaradorligini oshirishning iqtisodiy va institutsional mexanizmlari tahlil qilinadi. So‘nggi yillarda xizmatlar sektori mintaqaviy iqtisodiyotning raqobatbardosh tarmog‘iga aylanib, korxonalar o‘rtasida kooperatsion aloqalarni rivojlantirish, resurslardan birgalikda foydalanish va innovatsion sinergiyani shakllantirish zarurati ortmoqda. Klaster modeli bu borada yangi menejment paradigmasi sifatida maydonga chiqib, hududiy xizmatlar korxonalarining integratsion boshqaruvini takomillashtirish imkonini beradi. Tadqiqotda klaster tizimining shakllanish bosqichlari, ichki boshqaruv tuzilmasi, hamda klaster ishtirokchilari o‘rtasidagi resurs, axborot va bilim almashinuvi mexanizmlari o‘rganilgan. Namangan viloyati misolida olib borilgan tahlillar shuni ko‘rsatadiki, klasterlash asosidagi boshqaruv modeli korxonalarning rentabelligini 1,3–1,5 baravarga oshirib, xizmatlar sifati va innovatsion faoliyatini jadallashtirgan. Maqola yakunida klaster boshqaruv tizimini mintaqaviy xizmat tarmoqlarida samarali joriy etish bo‘yicha ilmiy asoslangan taklif va amaliy tavsiyalar ishlab chiqilgan