ОДОБ-АХЛОҚ МАВЗУСИГА ОИД АСАРЛАР

Abstrak

Ислом тарихида таълим-тарбияга, хусусан, талаба ва ўқувчиларнинг тарбиясига оид илк асарлар ҳанафий мазҳаби вакиллари томонидан ёзилган, десак муболаға бўлмайди. Имоми Аъзам Абу Ҳанифа (80-150 ҳ./699-767 м.) раҳматуллоҳи алайҳи шогирдларига қилган насиҳат ва васиятлари талаба ва ўқувчиларнинг одоб-ахлоқи ва таълим-тарбиясига бағишланган дейиш мумкин. У зотнинг Усмон ал-Баттий (ваф. 143 ҳ./761 м.) ва Абу Юсуф (113-182 ҳ./731-798 м.) кабиларга қилган васиятномалари, шогирдлари билан қилган суҳбат асосида яратилган “ал-Олим ва-л-мутааллим” номли асари шу жумладандир.