BOSHLANG'ICH SINF O'QUVCHILARINING O'QISH FANLARIDA TINGLAB TUSHUNISH KO'NIKMALARINI INTERFAOL USULLAR ORQALI RIVOJLANTIRISH

Abstract

Mazkur maqolada boshlang‘ich sinf o‘quvchilarining o‘qish fanlarida tinglab tushunish ko‘nikmalarini rivojlantirish masalasi interfaol usullar asosida tahlil qilinadi. Tadqiqotda tinglab tushunish kompetensiyasining mazmun-mohiyati, uning o‘quvchilarning nutqiy va kognitiv rivojlanishidagi o‘rni ilmiy-nazariy jihatdan asoslanadi. Shuningdek, “Aqliy hujum”, “Klaster”, “Insert”, “Rolli o‘yin”, “Savol-javob”, “Baliq skeleti” kabi interfaol metodlarning tinglab anglash jarayoniga ta’siri yoritiladi. Maqolada interfaol yondashuv asosida tashkil etilgan darslar o‘quvchilarning faolligini oshirishi, matn mazmunini chuqurroq anglashiga xizmat qilishi hamda mustaqil fikrlash ko‘nikmalarini shakllantirishiga doir ilmiy xulosalar beriladi. Tadqiqot natijalari boshlang‘ich ta’lim amaliyotida samarali metodik tavsiyalar ishlab chiqishga xizmat qiladi.