ONLAYN VA GIBRID TA'LIMNING O'QUVCHILAR KOMPETENSIYASIGA TA'SIRI

Аннотация

Ushbu maqolada onlayn va gibrid ta’limning o‘quvchilarning kompetensiyasini shakllantirish va rivojlantirishga ta’siri ilmiy jihatdan tahlil qilingan. Tadqiqotda onlayn va gibrid ta’limning pedagogik, texnologik, tashkiliy va psixologik aspektlari o‘rganilgan. Shuningdek, o‘quvchilarning mustaqil ishlash, muammolarni hal qilish, kommunikatsiya, ijodiy fikrlash va raqamli savodxonlik ko‘nikmalarini rivojlantirishdagi samaradorligi tahlil qilinadi. Maqolada pedagogik metodlar (interaktiv mashg‘ulotlar, loyihaviy ishlash, virtual laboratoriya va simulyatsiya) va texnologik vositalarning (raqamli platformalar, bulutli xizmatlar, masofaviy baholash tizimlari) kompetensiya rivojlanishiga ta’siri batafsil yoritilgan. Tadqiqot natijalari ta’lim jarayonida onlayn va gibrid ta’lim shakllarini samarali qo‘llash, o‘quvchilarning bilim, ko‘nikma va shaxsiy sifatlarini oshirish, motivatsiya va interaktivlikni kuchaytirish bo‘yicha amaliy tavsiyalarni ishlab chiqishga xizmat qiladi.